اسلام آباد (مانیٹرنگ ڈیسک )چوہدری نثار کے راولپنڈی میں واقع گھر پر تحریک لبیک سے تعلق رکھنے والے مظاہرین نے دھاوا بول دیا ہے اور گھر کو آگے لگانے کی بھی کوشش کی ہے۔ اس دوران فائرنگ سے ایک شخص شدید زخمی ہو گیا ہے۔ میڈیا رپورٹس کے مطابق تحریک لبیک سے تعلق رکھنے والے مشتعل مظاہرین نے راولپنڈی میں سابق وزیرداخلہ چوہدری نثار کے گھر پر ہلہ بول دیا ہے اور گھر کو آگ لگانے کے

ساتھ ساتھ پتھرائو بھی کیا ہے۔ مظاہرین نے چوہدری نثار کی رہائش گاہ کا گیٹ توڑ دیا ہے جس کی وجہ سے صورتحال انتہائی کشیدہ ہو گئی ہے۔ نجی ٹی وی سما نیوز کی رپورٹ کے مطابق گھر کی سکیورٹی پر معمور پولیس اہلکاروں نے مظاہرین کو منتشر کرنے کے لیے ہوائی فائرنگ کی جس کی زد میں آکر ایک شخص شدید زخمی ہو گیا ۔زخمی شخص کو تشویشناک حالت میں بے نظیر ہسپتال میں منتقل کردیا گیا ہے ۔