اسلام آباد(مانیٹرنگ ڈیسک)پیپلزپارٹی کے قائد بلاول بھٹو ان دنوں پاکستان کے صوبہ پنجاب کے دورے پر ہیں اور یہاں پارٹی اجلاس میں قائدین سے مشاورت اور اہم میٹنگز کے علاوہ نجی تقریبات میں بھی شرکت کر رہے ہیں۔ ایسی ہی ایک شادی کی تقریب میں بلاول بھٹو جب شرکت کیلئے پہنچے تو وہاں ان کا فقید المثال استقبال کیا گیا اور وہاں موجود بزرگ خواتین بلاول بھٹو کو مل کر دعائیں دیتی رہیں
جبکہ نوجوان لڑکیاں دولہا دلہن کو چھوڑ کر بلاول بھٹو کے ساتھ سیلفیاں بنواتی رہیں۔ دولہا اور دلہن کے عزیز و اقارب کے ساتھ بلاول بھٹو گھل مل گئے۔ اس موقع پر جب بلاول بھٹو سے پوچھا گیا کہ آپ کب شادی کر رہے ہیں تو دولہا دلہن کی جانب دیکھتے ہوئے چہرے پر مسکراہٹ لاتے ہوئے بلاول بھٹو کا کہنا تھا کہ ابھی تو میری عمر 29سال ہے ، شادی بھی کر لیں گے وہ دن بھی آہی جائے گا۔
