اسلام آباد (این این آئی) وزیر داخلہ احسن اقبال نے کہا ہے کہ ملک کے حالات بد امنی کے متحمل نہیں ہوسکتے ٗ علماء اور مشائخ دھرنا ختم کر انے میں کر دارادا کریں ۔ ایک بیان میں پروفیسر احسن اقبال نے کہا کہ ختم نبوت بل پاس ہونے کے بعد دھرنے کا جواز ختم ہو چکا ہے ٗ ہم سب ختم نبوت پہ کامل یقین رکھتے ہیں ٗختم نبوت کے معاملے کو سیاست اور تقسیم کے لئے استعمال نہ کیا جائے۔

انہوں نے کہاکہ عوام کو تکلیف دینا رسول اللہ صلی اللہ علیہ وسلم کی تعلیمات کے خلاف ہے ۔انہوں نے کہاکہ ملک کے حالات بد امنی کے متحمل نہیں ہو سکتے۔انہوں نے کہاکہ میں علماء اور مشائخ سے اپیل کرتا ہوں کہ وہ اپنا کردار ادا کریں ۔