اسلام آباد(مانیٹرنگ ڈیسک)کیپٹن صفدر کے ناقابل ضمانت وارنٹ گرفتاری جاری کرنے کے حوالے سے نیب کی متفرق درخواست اسلام آباد ہائیکورٹ میں سماعت کیلئے منظور۔ نجی ٹی وی اے آر وائی نیوز کی ایک رپورٹ کے مطابق اسلام آباد ہائیکورٹ نے سابق وزیراعظم نواز شریف کے داماد کیپٹن(ر)صفدر کے ناقابل ضمانت وارنٹ گرفتاری جاری کرنے والے سے نیب کی
متفرق درخواست سماعت کیلئے منظور کر لی ہے۔ نیب کی جانب سے دائر درخواست پر کیس کی سماعت کرتے ہوئے جسٹس عامر فاروق اور جسٹس محسن اختر کیانی پر مشتمل بنچ نے درخواست سماعت کیلئے منظور کی۔ اس موقع پر نیب کی جانب سے سپیشل پراسیکیوٹر افضل قریشی عدالت پیش ہوئےاور عدالت کے روبرو درخواست کی کہ عدالت نے ضمانت مچلکوں پر کیپٹن(ر)صفدر کی رہائی کا حکم دیا تھا جسے کالعدم قرار دیا جائےجسے سماعت کیلئے منظور کر لیا گیا ہے۔
