اسلام آ با د(آن لائن)محکمہ موسمیات نے خوشخبری سنائی ہے کہ بارشیں برسانے والا سسٹم ایران سے بلوچستان میں داخل ہوگیا اور آئندہ دو روز میں کراچی سمیت ملک کے مختلف علاقوں میں بارش کا امکان ہے۔محکمہ موسمیات کے مطابق روا ں ہفتے ملک کے مختلف حصوں میں بارش کا امکان ہے جس کے بعد اسموگ بتدریج ختم ہونے کا امکان ہے۔
محکمہ موسمیات کا کہنا ہے کہ پیر اور منگل کو بلوچستان کے مختلف علاقوں میں بارش کا امکان ہے کہ اور کراچی میں بھی آئندہ دو روز میں بارش ہوسکتی ہے۔کشمیر اور گلگت بلتستان میں بارش اور پہاڑوں پر برفباری کا امکان ہے جب کہ سندھ کے چند ایک مقامات پر گرج چمک کے ساتھ بارش کا امکان ہے۔
