اسلام آباد (مانیٹرنگ ڈیسک)(ن) لیگ کو سیاسی انتقام کا نشانہ بنایا جا رہا ہے ، شریف خاندان جج پر اعتراض کے لئے وکلاء سے رابطہ کریں گے ، مشرف ایک بھگوڑا اور چلا ہوا کارتوس ہے ، وہ ایک کونسل کاالیکشن بھی نہیں جیت سکتا،ان خیالات کا اظہار وزیر مملکت برائے اطلاعات و نشریات مریم اورنگزیب نے نجی ٹی وی سے گفتگو کرتے ہوئے کیا۔ ان کا کہنا تھا کہ پانامہ کیس کے دوران حدیبیہ کیس کی بات ہوتی رہی ،(ن) لیگ کو سیاسی انتقام کا نشانہ بنایا جا رہا ہے ،
شریف خاندان جج پر اعتراض کے لئے وکلاء سے رابطہ کریں گے ۔ ہم انصاف کے لئے عوام کی عدالت میں جائیں گے ۔انہوں نے پرویز مشرف کی گرفتاری کا عندیہ دیتے ہوئے کہا کہ مشرف وہ شخص ہے جس نے آئین توڑا اور اب ملک سے بھاگ گیا ۔ مشرف ایک بھگوڑا اور چلا ہوا کارتوس ہے ایک کونسل کا الیکشن بھی نہیں جیت سکتا ۔ انہوں نے کہا کہ سپریم کورٹ نے حکم دیا تو مشرف کو گرفتار کر لیں گے ۔ بھگوڑے کو گرفتار ہی کیا جاتا ہے ہار نہیں پہنائے جاتے ۔
