اسلام آباد (مانیٹرنگ ڈیسک) نواز شریف کو اس وقت این آر او چاہئے اور اس کا آپشین صرف آصف زرداری کے ساتھ میں مضمر ہے، معروف صحافی اسد کھرل کی نجی ٹی وی چینل میں گفتگو۔ تفصیلات کے مطابق معروف صحافی اسد کھرل نے نجی ٹی وی چینل کے پروگرام میں گفتگو کرتے ہوئے کہا کہ پاکستان کی کوئی آئینی یا کوئی ادارہ بھی میاں صاحب کو این آر او نہیں دے سکے گا، اگر این آر او لینا ہے تو میاں صاحب کو زرداری صاحب سے بات کرنا ہو گی۔ان کا کہنا تھا کہ نواز شریف کو اس وقت صرف این آر او چاہئیے۔
انہوں نے کہا کہ این آر او اب صرف ایک ہی صورت میں ہو سکتا ہے۔ اسد کھرل نے کہا کہ اس وقت این آر او کا آپشن صرف زرداری صاحب کے ساتھ میں مضمر ہے۔واضح رہے کہ آج شہباز شریف نے ایک بار پھر خواجہ آصف کو آصف علی زرداری سے رابطہ کرنے کی ہدایت کی ہے ۔ اس سے قبل آصف زرداری خواجہ آصف سے رابطے اور مذاکرات کے حوالے سے انکار کر چکے ہیں۔ جبکہ اس بات کا اظہار خواجہ آصف نے نجی ٹی وی جیو نیوز کے پروگرام کیپیٹل ٹاک میں معروف صحافی حامد میر سے گفتگو کرتے ہوئے بھی کیا تھا۔
