لاہور(مانیٹرنگ ڈیسک) غازی آباد کے علاقے میں میاں بیوی نے ایک دوسرے کو چھریوں کے وار کر کے زخمی کر دیا، پولیس نے طبی امداد کیلئے دونوں کو ہسپتال منتقل کر دیا۔تفصیلات کے مطابق غازی آباد کے علاقے میں قاسم اور اس کی بیوی ساجدہ نے جھگڑے کے دوران ایک دوسرے کو چھریاں مار دیں، چیخ وپکار کی آواز سن کر جب محلہ دار ان کے
گھر گئے تو دونوں کو زخمی حالت میں دیکھ کر انہوں نے پولیس کو اطلاع دی۔ اطلاع ملنے پر پولیس جائے حادثہ پر پہنچ گئی اور میاں بیوی کو طبی امداد کیلئے ہسپتال منتقل کر دیاپولیس کا کہنا ہے کہ قاسم کے دوسری شادی کی ضد پر دونوں میاں بیوی قاسم اور ساجدہ کا جھگڑا ہوا۔ جس دوران دونوں نے ایک دوسرے کو چھریوں کے وار کر کے زخمی کیا۔
