کوئٹہ (آئی این پی)کوئٹہ ،نوشکی اور گردونواح میں زلزلے کے جھٹکے محسوس کئے گئے ،جس کی شدت4.2ریکارڈ کی گئی‘عوام میں خوف و ہراس پھیل گیا ‘ لوگ کلمہ طیبہ کا ورد کرتے گھروں سے باہر نکل آئے۔ تفصیلات کے مطابق بدھ کو کوئٹہ اس کے گردو نواح میں زلزلے کے جھٹکے محسوس کئے گئے۔ زلزلہ پیما
مرکز کے مطابق زلزلے کی زیرزمین گہرائی 11کلومیٹرتھی،جبکہ اس کا مرکز کوئٹہ سے95کلومیٹرشمال مغرب میں پاک افغان سرحدکے قریب تھا۔زلزلے کی شدت کوئٹہ شہرمیں بھی محسوس کئی گئی۔زلزلے سے عوام میں خوف و ہراس پھیل گیا ‘ لوگ کلمہ طیبہ کا ورد کرتے گھروں سے باہر نکل آئے۔
