ماسکو (این این آئی)روسی وزیراعظم دمتری میدویدف نے پاکستان سے ایل این جی معاہدے کو پایہ تکمیل تک پہنچانے کیلئے روسی وزارت توانائی کو ہدایات جاری کردیں۔روسی وزیراعظم کی جانب سے وزارت توانائی کو جاری ہدایت کے مطابق دونوں ممالک کے درمیان ’لیکویفائڈ نیچرل گیس‘ معاہدہ ابتدائی
طور پر تین سال کیلئے ہوگا جس کے بعد مزید تین سال کی توسیع اور پھر لامحدود بار توسیع ہوگی۔ٹینڈر شائع کیے بنا ایک کمپنی سے معاہدہ ہوگا جو اسٹیٹ ہولڈر کمپنی یعنی پاکستان ایل این جی لمیٹڈ بن جائے گی۔معاہدے کا اطلاق دونوں ممالک کی وزارت توانائی کے تعاون سے ہوگا۔
