اسلام آباد(مانیٹرنگ ڈیسک) وزیراعظم شاہد خاقان عباسی لندن کے ایک روزہ دورہ کے بعد (آج) وطن واپس آئیں گے ، وہ مسلم لیگ (ن) کے مشاورتی اجلاس میں ہونیو الے فیصلوں بارے رہنماؤں کو اعتماد میں لیں گے ، وزیراعلیٰ پنجاب کے مزید دوروز تک قیام کا امکان ہے ۔ تفصیلات کے مطابق وزیراعظم شاہد خاقان عباسی ایک روزہ نجی دورے پر لندن پہنچے تھے جہاں انہوں نے پیر کو مسلم لیگ (ن) کے صدر نوازشریف کی زیر صدارت ہونے والے اجلاس میں
شرکت کی اور اس کے بعد میڈیا سے بھی گفتگو کی ۔ وزیراعظم (آج) منگل کو کسی بھی وقت لندن سے واپس پہنچ جائیں گے اور پارٹی اجلاس میں کئے گئے فیصلوں کے بارے میں اعتماد میں لیں گے ۔ دوسری جانب وزیراعلیٰ پنجاب شہباز شریف بھی لندن میں ہیں وہ مزید دو دن تک لندن میں قیام کریں گے اور اس کے بعد وطن واپس آئیں گے جبکہ سابق وزیراعظم نوازشریف کی بھی 2نومبر کو پاکستان واپس آئیں گے وہ 30نومبر کو احتساب عدالت میں پیش ہوں گے ۔
