اسلام آباد (مانیٹرنگ ڈیسک ) سابق گورنر سندھ عشرت العباد خان سے آل پاکستان مسلم لیگ کے سربراہ پرویز مشرف کی ہدایت پر پارٹی کے مرکزی رہنما احمد حسین کی ملاقات، فیصل ندیم بھی اس موقع پر موجود تھے۔ تفصیلات کے مطابق اے پی ایم ایل کے مرکزی رہنما احمد حسین نے اپنی پارٹی کے سربراہ پرویز مشرف کی خصوصی ہدایت پر سابق گورنر سندھ عشرت العباد خان

سے ملاقات کی ہے اور انہیں پرویز مشرف کا اہم سیاسی پیغام پہنچایا ہے۔ احمد حسین نے اس موقع پر کہا کہ عشرت العباد نے سندھ کی ترقی میں اہم کردار ادا کیا وہ کراچی کی سیاست میں بھی اہم کردار ادا کر سکتے ہیں۔ ملاقات میں آئندہ بھی رابطے جاری رکھنے پر اتفاق کیا گیا۔ واضح رہے کہ اس موقع پر آل پاکستان مسلم لیگ کے رہنما فیصل ندیم بھی ملاقات کے دوران موجود تھے۔