اسلام آباد(مانیٹرنگ ڈیسک) سربراہ عوامی مسلم لیگ شیخ رشید نے دعویٰ کیا ہے کہ ساٹھ ارکان اسمبلی استعفے دینے کو تیار ہیں۔انھوں نے ڈوبتی کشتی کو چھوڑنے والوں میں ملک کے وزیراعظم شاہد خاقان عباسی کا نام بھی لے لیا۔شیخ رشید نے سعد رفیق اورعابد شیرعلی کا بھی پر تولنے والوں میں شمار کر دیا۔آج نیوز کے پروگرام جی فار غریدہ میں سربراہ عوامی مسلم لیگ شیخ رشید نے دعوٰی کیا کہ ن لیگ کے ساٹھ ارکان پارٹی

چھوڑنے والے ہیں۔شیخ رشید نے یہ بھی دعوٰی کیا کہ ان ارکان کی فہرست انکی جیب میں ہے۔کرپشن ریفرنسز کے بارے میں انھوں نے انکشاف کیا کہ اسحاق ڈار بھی بہت جلد لپیٹ میں آنے والے ہیں۔انہوں نے کہا کہ وہ شاہد خاقان،عابد شید علی اور سعد رفیق کو مستقبل میں ن لیگ کے ساتھ نہیں دیکھ رہے۔شیخ رشید کا کہنا تھا کہ پورا ٹبر ہی نااہل ہونے والا ہے، لیکن مریم نواز کبھی نہیں چاہیں گی کہ شہبازشریف پارٹی کی قیادت سنبھال لیں۔