لاہور (مانیٹرنگ ڈیسک) سابق وزیراعظم محمد نوازشریف کی صاحبزادی مریم نواز نے امریکی اخبار کی جانب سے ان کے بیان ’’خاندان کا فیصلہ تھا کہ میں پارٹی سنبھالوں ‘‘سے متعلق وضاحت دیتے ہوئے کہا ہے کہ شریف خاندان میں ایسا کوئی بھی فیصلہ نہیں ہوا ،بیان مجھ سے غلط منسوب کیا گیا ہے۔سماجی رابطے کی ویب سائٹ ٹوئٹر پر وضاحت
کرتے ہوئے مریم نواز نے کہا کہ خاندان کے کہنے پر پارٹی قیادت سنبھالنے کا بیان مجھ سے غلط منسوب کیا گیا، شریف خاندان میں ایسا کوئی بھی فیصلہ نہیں ہوا۔انہوں نے کہا کہ میں پارٹی قیادت کی خواہش مند نہیں ،مسلم لیگ (ن) کی قیادت نوازشریف ہی کررہے ہیں اور کرتے رہیں گے اور میں بحثیت پارٹی کارکن کام کرنے پر ہی خوش ہوں۔
