لاہور(آئی این پی)وزیراعلیٰ پنجاب شہباز شریف نے کہا کہ 21کروڑ باشعور عوام ہر موقع پر یوٹرن لینے والوں کی منفی سیاست سے تنگ آچکے ہیں،پاکستان آج اس منزل کی جابب رواں ہے،

جس کا خواب اقبال اور قائداعظم نے دیکھا تھا،عالمی ادارے بھی حکومت کی شفاف پالیسیوں کے معترف ہیں،مسلم لیگ (ن )کے سینیٹر سلیمضیا نے کہاکہ شہبازشریف نے اپنی محنت کے ساتھ پنجاب کو ایک رول ماڈل صوبہ بنایا ہے،شہبازشریف کی قیادت میں صوبے میں بے مثال ترقیاتی کام ہوا ہے۔ہفتہ کو شہبازشریف سے مسلم لیگ( ن) سندھ کے رہنما سینیٹر سلیم ضیا نے ملاقات کی ، شہباز شریف نے کہا کہ مسلم لیگ( ن) کی حکومت نے عوام کی خدمت کے نئے ریکارڈ قائم کیے ہیں،بعض سیاسی مخالفین نے جھوٹ اوربے بنیاد الزام ترافی کے ریکارڈ بنائے ہیں،21کروڑ باشعور عوام ہر موقع پر یوٹرن لینے والوں کی منفی سیاست سے تنگ آچکے ہیں،پاکستان میں دشنام طرازی کی سیاست کی کوئی گنجائش نہیں ہے،عالمی ادارے بھی حکومت کی شفاف پالیسیوں کے معترف ہیں،پاکستان آج اس منزل کی جانب رواں دواں ہے جس کا خواب اقبال اور قائداعظم نے دیکھا تھا،انہوں نے کہا کہ پاکستان کے عوام اپنی

بدلتی ہوئی قسمت کو کھوٹا نہیں کرنے دیںگے،اس موقع پر سینیٹر سلیم ضیا نے کہا کہ پنجاب میں آپ کی قیادت میں بے مثال ترقیاتی کام ہوا ہے،آپ نے اپنی محنت کے ساتھ پنجاب کو ایک رول ماڈل صوبہ بنایا ہے