اسلام آباد(مانیٹرنگ ڈیسک) عمران خان اور جہانگیر ترین کے خلاف لیگی رہنما حنیف عباسی کی درخواستیں ان دنوں سپریم کورٹ میں زیر سماعت ہیں اورچیئرمین پی ٹی آئی کی طرف سے ان کے وکیل کے فرائض نعیم بخاری سر انجام دے رہے ہیں۔ سپریم کورٹ میں آج عمران خان کے وکیل اور حنیف عباسی کی ایسی تصاویر منـظرعام پر آگئ ہیں کہ جن کی کوئی بھی توقع نہیں کر رہا تھا۔ دونوں کو کمرہ عدالت کے باہر ایک کونے میں نہایت مدہم آواز میں محوگفتگودیکھا گیا ہے۔ تصاویر میں دیکھا جا سکتا ہے کہ کمرہ عدالت میں

ایک دوسرے کے خلاف بولنے والےحنیف عباسی اور نعیم بخاری نہایت خوشگوار موڈ میں مگر نہایت مدہم آواز میں ایک دوسرے سے محو گفتگو ہیں۔نعیم بخاری کے ساتھ سپریم کورٹ کی لابی کے ایک کونے میں نہایت پراسرار انداز میں ملاقات بارے جب حنیف عباسی سے سوال پوچھا گیا تو ان کا کہنا تھا کہ نعیم بخاری نے انہیں بلایاتھاجس دوران تبادلہ خیال کیا گیا۔ معاملات طے پانے سے متعلق سوال کے جواب میں حنیف عباسی نے بتایاکہ کیس سے متعلق کوئی بات نہیں ہوئی ، کچھ نجی معاملات تھے جن پر تبادلہ خیال کیاگیا۔