اسلام آباد/کراچی(مانیٹرنگ ڈیسک))پاکستان کے 70 ویں جشن آزادی کے موقع پر پاک فضائیہ کے ساتھ ساتھ ترکی اور سعودی عرب کی فضائی ٹیمیں حصہ لے رہی ہیں۔ترک فضائیہ کی مشہور فضائی ٹیم ‘سولوترک اور رائل سعودی ائرفورس کی عالمی طور پر مشہور ٹیم ‘سعودی ہاکز پاکستان کی جشن آزادی خوشیوں میں پاک فضائیہ کےساتھ مل کر فضا میں رنگ بکھیررہے ہیں۔ترک اور سعودی
ٹیموں نے میڈیا سے گفتگو کے دوران پاکستان کے یوم آزادی کے موقع پر جشن میں شریک ہونے پر مسرت کا اظہار کیا۔ترک فضائیہ کے فرسٹ لیفٹننٹ ایمرا بائری کا کہنا تھا کہ ‘ہم پاکستان اور ترک دونوں قوموں کے درمیان برادرانہ تعلقات کے تحت جشن منائیں گے۔شو کے دوران سولو ترک کے پائلٹ پلس 9 جی سے 3 جی نیگٹیو کی حد میں طاقت ور ایف 16 سی کی مدد سے پرواز کررہے ہیں۔
