لاہور ( این این آئی) تحریک انصاف کی وزیر اعظم استعفیٰ دو مہم شروع، شہریوں میں پمفلٹ تقسیم کیے گئے ۔تفصیلات کے مطابق جے آئی ٹی کی رپورٹ آنے کے بعد اپوزیشن جماعتوں نوازشریف سے مستعفی ہونے کا مطالبہ کر ہی رہی ہیں ۔ اس سلسلے میں تحریک انصاف کے کارکنوں نے پمفلٹ بانٹنا شروع کر دیئے ہیں ۔خواجہ سعد رفیق اور حامد خان کے حلقہ این اے125سے تعلق رکھنے والے تحریک انصاف کے کارکنوں نے نماز جمعہ کے بعد نمازیوں میں پمفلٹ تقسیم کیے

جن پر وزیرا عظم نوازشریف سے مستعفی ہونے کے حوالے سے مطالبات درج تھے ۔پمفلٹس پر وزیر اعظم استعفیٰ دو لکھا گیا ہے، عمران خان کی تصویر بھی پمفلٹ پر نمایاں ہے۔ تحریک انصاف کے کارکنوں کا کہنا تھا کہ اگر اگلے جمعہ تک نوازشریف نے استعفیٰ نہ دیا تو پمفلٹ تقسیم کرنے کا دائرہ کار مزید بڑھایا جائے گا اور ہر جمعے کے روز نمازیوں میں پمفلٹ تقیم کیے جائیں گے ۔