ننکانہ صاحب( آن لائن ) ننکانہ صاحب کے قریب ماناں والہ موڑ پر ٹریفک حادثے میں ایک ہی خاندان کے 5 افراد جاں بحق جبکہ 10 افراد شدید زخمی ہوگئے۔ تفصیلات کے مطابق ضلع حادثہ ننکانہ صاحب کے قریب ماناں والہ موڑ پر اس وقت پیش آیا جب ایک تیز رفتار ہائی روف مسافر بس سے جا ٹکرائی جس کے نتیجے میں ہائی روف میں سوار ماں اور بیٹی سمیت ایک ہی خاندان کے 5 افراد موقع پر ہی جاں بحق جب کہ 10
افراد شدید زخمی ہوگئے جنہیں قریبی اسپتال منتقل کردیا گیا ہے جہاں انہیں طبی امداد فراہم کی جارہی ہے۔دوسری جانب پولیس ذرائع کا کہنا ہے کہ حادثہ تیز رفتاری کے باعث پیش آیا تاہم واقعہ کی مزید تحقیقات کی جارہی ہیں۔
