اسلام آباد (مانیٹرنگ ڈیسک) ہائیر ایجوکیشن کمیشن (ایچ ای سی) نے طلباء کو سہولت فراہم کرنے کیلئے آن لائن ڈگری ویریفیکیشن سسٹم کا اجراء کیا ہے جس سے طلباء کو اپنی ڈگریوں کی تصدیق کیلئے سہولت حاصل ہو گی۔ پیر کو ایچ ای سی کے حکام نے بتایا کہ اب ڈگری ویریفیکیشن کیلئے آن لائن سسٹم کے ذریعے فارم پر کرنا ہو گا اور ضروری اسناد
کی سکین کاپیز فراہم کرنا ہوں گی۔ حکام نے بتایا کہ اس نئے آن لائن سسٹم کے ذریعے طلباء کو اب طویل قطاروں کی زحمت سے چھٹکارا مل جائے گا۔ طلباء اپنی ڈگریوں کی تصدیق کیلئے فارم اور اسناد کی کاپیز آن لائن فراہم کریں گے جس کے بعد ایچ ای سی حکام انہیں میٹنگ کا وقت دیں گے جس میں طلباء اصل اسناد ہمراہ لا کر تصدیق حاصل کر سکیں گے۔
