اسلام آباد(آئی این پی )وزیر مملکت برائے اطلاعات ونشریات مریم اورنگزیب نے کہا ہے کہ عمران خان تصوراتی دنیا سے باہر آئیں ، پارلیمنٹ ، پی ٹی وی ، وزیراعظم ہاؤس اور جمہوریت پر حملہ آپ کے بدترین کارنامے ہیں ، جھوٹ اور حرکتوں کی وجہ سے 2018میں قوم آپ کا منہ توڑ جواب دے گی ۔

جمعرات کو عمران خان کی میڈیا گفتگو پر ردوعمل دیتے ہوئے مریم اورنگزیب نے کہا کہ انسداد دہشت گردی کی عدالت الیکشن کمیشن اور حنیف عباسی کی پٹیشن عمران خان آپ کو ڈھونڈ رہی ہے ، آپ قانون سے استثنیٰ تو لے سکتے ہیں مگر 2018میں قوم آپ کو استثنیٰ نہیں دے گی ۔انہوں نے کہاکہ خیبرپختونخوا کی عوام سے دھوکا اور جھوٹ بولنے پر عوام آپ سے 2018میں حساب لے گی ، عمران خان تصوراتی دنیا سے باہر آئیں ،جھوٹ اور حرکتوں کی وجہ سے 2018میں قوم آپ کو منہ توڑ جواب دے گی ۔ وزیراطلاعات نے کہا کہ پارلیمنٹ ، پی ٹی وی ، وزیراعظم ہاؤس اور جمہوریت پر حملہ آپ کے بدترین کارنامے ہیں ۔

موضوعات:عمران خان مریم اورنگزیب