اسلام آباد (مانیٹرنگ ڈیسک) پانامہ جے آئی ٹی ممبران کو خریدنے کیلئے ایک ارب ڈالر کی پیش کش کی گئی، سینئر صحافی و تجزیہ کار ڈاکٹر شاہد مسعود کا نجی ٹی وی پروگرام میں انکشاف۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی و تجزیہ کار ڈاکٹر شاہد مسعود نے انکشاف کرتے ہوئے بتایا ہے کہ پانامہ کیس سے متاثر ہونے والے افراد نے ایک ٹرسٹ بنا کر ایک ارب ڈالر پانامہ جے آئی ٹی کو خریدنے کیلئے اکٹھا کیا۔ ان کا کہنا تھا کہ ان افراد کا
مقصد تھا کہ پانامہ جے آئی ٹی کو خرید لیا جائے یا ڈرا دھمکا دیا جائے۔ آف دی ریکارڈ ایک وزیر کہہ رہے ہیں کہ ایک ارب ڈالر آفر ہوئے بلکہ مشترکہ فنڈ بنا کر جے آئی ٹی ممبران کو خریدنے کیلئے یہ خطیر رقم جمع کی گئی۔ ڈاکٹر شاہد مسعود کا کہنا تھا کہ پانامہ جے آئی ٹی کو خریدنے کیلئے بنائے گئے فنڈ میں ایک خاندان کے افراد کا پیسہ موجود نہیں تھا بلکہ اس میں سب کا حصہ جن جن کو اپنے پھنسنے کا ڈر تھا سب نے حصہ ڈالاتاکہ یہ رقم جے آئی ٹی ممبران کو پیش کی جا سکے۔
