ملتان(آئی این پی)چئیرمین پیپلزپارٹی بلاول بھٹو زرداری کے دورہ ملتان کے دوران سابق اراکین صوبائی اسمبلی عباس راں ،ارشد راں سمیت تحریک انصاف کے تین سابق رہنماؤں نے پیپلزپارٹی میں باقاعدہ طور پرشمولیت کا اعلان کردیا۔ ،پیپلزپارٹی میں شمولیت اختیار کرنے والے تینوں رہنما وائس چئیرمین شاہ محمودقریشی کے قریبی ساتھی سمجھے جاتے تھے اور شاہ محمودقریشی کے ساتھ ہی تحریک انصاف میں

شامل ہوئے تھے ،تاہم چندماہ قبل شاہ محمودقریشی سے اختلافات کے باعث انہوں نے تحریک انصاف سے علیحدگی اختیار کرلی تھی اور پیپلزپارٹی میں شمولیت کا فیصلہ کیا تھا ۔جمعرات کو چئیرمین پیپلزپارٹی بلاول بھٹوزرداری کے دورہ ملتان کے موقع پر ان سے ملاقات میں تینوں رہنماؤں نے پیپلزپارٹی میں دوبارہ شمولیت کا اعلان کیا ۔ پی ٹی آئی ارکان کی پی پی میں شمولیت کے موقع پر سید یوسف رضا گیلانی اور مخدوم احمد محمود بھی موجود تھے

موضوعات:تحریک انصاف شاہ محمودقریشی