اسلام آباد(مانیٹرنگ ڈیسک)مسلم لیگ (ن) کے مستعفی سینیٹرنہال ہاشمی کو چیرمین سینٹ میاں رضاربانی نے طلب کیاتھاجس پرانہوں نے چیرمین سینیٹ سے ملاقات کی ہے ۔ایک نجی ٹی وی کے مطابق نہال ہاشمی نے چیرمین سینیٹ میاں رضاربانی سے اس ملاقات کے دوران درخواست کی ہے کہ ان کااستعفی قبول نہ کیاجائے ۔یاد رہے کہ سینیٹر نہال ہاشمی کے 28 مئی کے خطاب کی ویڈیو منظر عام پر آنے کے بعد

وزیراعظم نوازشریف نے انہیں سینٹ کی نشست سے استعفیٰ دینے کا حکم دیا تھا۔ گرفتاری کی تیاریاں مکمل ہونے کے بعد سینیٹر نہال ہاشمی نے استعفے کے بارے میں یوٹرن لے لیا اور گرفتاری سے بچنے کے لئے استعفیٰ دینے سے انکار کر دیا۔ دوسری جانب ذرائع نے بتایا کہ نہال ہاشمی مسلم لیگ ن کی گروپ بندی کے باعث بے یارومددگار ہو گئےکیونکہ اگرنہال ہاشمی سینیٹرکی نشت پررہے توان کوبراہ راست گرفتارنہیں کیاجاسکتا ۔