اسلام آباد(مانیٹرنگ ڈیسک)نہال ہاشمی کی خالی نشست پر آصف کرمانی کو ٹکٹ ملنے کا امکان ۔نجی ٹی وی اے آروائی نیوز کے مطابق اپنے متنازعہ بیان کی وجہ سے سینیٹر کی نشست کھونے والے نہال ہاشمی کی جگہ وزیراعظم کے معاون خصوصی آصف کرمانی کو نشست ملنے کا امکان ہے اور اس حوالے سے فیصلہ پیر تک کرلیا جائے گا۔ذرائع کے مطابق نشست کیلئے نون لیگ سندھ کے امیدوار بھی لابنگ کررہے ہیں۔واضح رہے کہ نہال ہاشمی کے خطاب کی ایک ویڈیو سامنے آئی تھی جس میں انہوں نے عدلیہ اور جے آئی ٹی ارکان کو دھمکیاں دیں جس کے بعد وزیراعظم نے برہمی کا اظہار کیا اور ان سے پارٹی عہدہ اور سینٹ کی نشست سے بھی استعفیٰ لے لیا تھا۔معاملہ کا سپریم کورٹ کی جانب سے بھی ازخود نوٹس لیا گیا تھا جس میں ان سے 5جون سے جواب طلب کیا گیا ہے۔