اسلام آباد(آئی این پی) مسلم لیگ (ن) کے رہنما سینیٹر نہال ہاشمی نے متنازعہ تقریر کے بعد وزیراعظم کی ہدایت پر سینیٹ کی نشست سے استعفیٰ دے دیا ، نہال ہاشمی نے سیکرٹری سینیٹ کو اپنا استعفیٰ پیش کردیا۔ ذرائع کے مطابق اعلیٰ عدلیہ کے خلاف تقریر کرنے پر وزیراعظم ہاؤس میں نہال ہاشمی کو طلب کیا گیا ۔

ذرائع کے مطابق وزیراعظم نوازشریف نے سینیٹر نہال ہاشمی سے ملنے سے انکار کردیا اور اپنے اسٹاف کے ذریعے سینیٹر نہال ہاشمی کو ہدایت کی کہ وہ اپنا استعفیٰ چیئرمین سینیٹ میاں رضا ربانی کو پیش کریں ۔ بعدازاں نہال ہاشمی نے سیکرٹری سینیٹ کو اپنا استعفیٰ پیش کیا۔

موضوعات:مسلم لیگ ن نہال ہاشمی