اسلام آباد (آئی این پی ) عوامی مسلم لیگ کے سربراہ شیخ رشید احمد نے کہا ہے کہ حکومت نے جے آئی ٹی کے دو ممبران پر اعتراض کرکے اپنے پاؤں پر کلہاڑی ماری ہے،حکمرانوں کو سمجھ آگئی ہے کہ وہ (ن ) سے (د) ہونے جارہے ہیں جس دن خیبرپختونخوا کی طرح پنجاب میں بھی لوگوں نے گرڈاسٹیشنوں پر قبضہ کرلیا۔اس دن بجلی کی لوڈشیڈنگ کاخاتمہ ہوجائے گا،

وہ منگل کو پارلیمنٹ ہاوس کے باہر میڈیا سے گفتگو کررہے تھے ۔انہوں نے کہا کہ ملک میں نہ بجلی نہ پانی ہے۔عوام کو غصہ کیسے نہ آئے ۔عوام کو اس سے بھی زیادہ غصہ آنا چاہیے ۔حکومت اور اپوزیشن میں چھوٹے موٹے جوڈوکراٹے ہوتے رہتے ہیں۔انہوں نے کہا کہ دنیا کے کسی ملک میں ملزم کی مرضی کا ایس ایچ او نہیں لگایا جاتاجب وزیراعظم کو وزارت عظمیٰ سے نکالا جائے گا۔تو پھر کہا جائے گا کہ ہمارے ساتھ زیادتی کی گئی۔انہوں نے کہا کہ ایک جرنیل ایک سائیڈپر اور دوسرا دوسری سائیڈ پر ہوتا ہے ۔عمران خان کے ساتھ زبیرعمر نواز شریف کے ساتھ ہیں۔خواجہ آصف ایک سائیڈ پر ہیں۔ان کے بھائی دوسری سائیڈ پر ہیں۔سپریم کورٹ نے 2نام پیش کیئے دونوں پر اعتراض کرنے سے لگتا ہے۔کہ حکومت سمجھ گئی ہے کہ وہ اب (ن) سے (د) ہونے لگے ہیں ۔شیخ رشید نے کہ اتنی گرمی میں روزے رکھنابہت مشکل ہے ۔جس دن خیبر پختو نخوا کی طرح پنجاب میں بھی لوگوں نے گرڈاسٹیشن پر قبضے کرلیے ۔اس دن لوڈشیڈنگ کا خاتمہ ہوجائے گا