اسلام آباد (مانیٹرنگ ڈیسک) پاک افغان سرحد پر باب دوستی کھول دیا گیا۔ تفصیلات کے مطابق پاک افغان سرحدپر باب دوستی کھول دیا گیا ہے۔کمانڈنٹ ایف سی اسکاؤٹس کرنل عثمان کا کہنا ہے کہ باب دوستی سرحد رمضان کےاحترام میں ہلکی ٹریفک کیلئے کھولی گئی ہے۔
افغانستان کے ساتھ سرحد کھولنے کے ساتھ سرحد پر باب دوستی پر ایف آئی اے امیگریشن اور کسٹم آپریشن بحال کر دیا گیا ہے۔ واضح رہے کہ باب دوستی چمن میں افغان فورسز کی جارحیت کے باعث 22روز قبل بند کر دیا گیا تھا۔
