اسلام آباد(آئی این پی )مالی سال 2017-18کے بجٹ میں وزیراعظم ہاؤس کیلئے یومیہ اخراجات کی مد میں 25 لاکھ روپے اورایوان صدر کیلئے ساڑھے 12لاکھ روپے مختص کر دیے گئے ۔ جمعہ کو قومی اسمبلی میں پیش کئے گئے مالی سال 2017-18کے بجٹ میں وزیراعظم ہاؤس کیلئے یومیہ اخراجات کی مد میں 25 لاکھ روپے اورایوان صدر کیلئے ساڑھے 12لاکھ
روپے مختص کر دیے گئے ۔وزیراعظم ہاؤس کے سالانہ اخراجات 91کروڑ67لاکھ22ہزار روپے بنتے ہیں ۔ اس سے قبل مالی سال 2016-17کے بجٹ میں وزیراعظم ہاؤس کے لئے سالانہ 88کروڑ 95لاکھ94ہزار روپے مختص کئے گئے تھے تاہم بعد میں اخراجات میں اضافے کے باعث نظر ثانی شدہ 95کروڑ 6لاکھ13ہزار روپے مختص کئے گئے ۔
