اسلام آباد (مانیٹرنگ ڈیسک)وکیل اور جج بھی کسی سیاسی جماعت سے وابستگی رکھتے ہیں اور ووٹ بھی دیتے ہیں، آرمی چیف جنرل قمر جاوید باجوہ کی فیملی سے ملاقات میں مجھے علم ہوا کہ انہوں نے عام انتخابات 2013میںکسے ووٹ ڈالا، معروف صحافی و تجزیہ کار کاشف عباسی کا نجی ٹی وی پروگرام میں انکشاف۔ تفصیلات کے مطابق نجی ٹی وی چینل پروگرام میں گفتگو کرتے ہوئے معروف صحافی و تجزیہ کار کاشف عباسی نے کہا کہ ہر کسی کی سیاسی وابستگی ہوتی ہے۔
وکیل اور جج بھی وابستگی رکھتے ہیں اور اپنے من پسند امیدوار کو ووٹ دیتے ہیں۔ انہوں نے انکشاف کرتے ہوئے بتایا کہ آرمی چیف جنرل قمر جاوید باجوہ کی فیملی سے ملاقات میں انہیں علم ہوا کہ انہوں نے کس کو ووٹ ڈالا تھا ۔ اس موقع پر پروگرام میں شریک ارشد شریف جو کہ صحافی اور اینکر ہیں نے لقمہ دیتے ہوئے کہا کہ’’ نواز شریف صاحب کو‘‘ کاشف عباسی نے ارشد شریف کی اس بات کا فوی طور پر جواب دیتے ہوئے کہا ’’میرا نہیں خیال ! ‘‘۔
