کراچی / اسلام آباد(مانیٹرنگ ڈیسک) زکوٰۃ کٹوتی کے سلسلے میں پیر کو ملک بھر کے تمام بینک بند رہیں گے۔ترجمان اسٹیٹ بینک آف پاکستان کے مطابق اسٹیٹ بینک پاکستان 29 مئی 2017ء کو عوام سے لین دین کے لیے بند رہے گا، اس دن زکوٰۃ کی کٹوتی کے لیے بینکوں میں تعطیل دی گئی ہے۔
تعطیل کے باعث تمام بینکس، ترقیاتی مالی ادارے، مائیکرو فنانس بینک 29 مئی 2017ء کو عوام سے لین دین کے سلسلے میں بند رہیں گے۔اسٹیٹ بینک کے اعلامیہ کے مطابق تمام بینکوں، ڈی ایف آئیز، ایم ایف بیز کے ملازمین بینک تعطیل پر دفتر میں حاضر ہوں گے۔ اسےعوام سے لین دین کے علاوہ معمول کا ورکنگ ڈے سمجھا جائے گا۔
