اسلام آباد (مانیٹرنگ ڈیسک) پاکستان تحریک انـصاف کو کالعدم، عمران خان کو طویل مدت کیلئے نا اہل قرار دلوا کر گرفتار کروانے کی کوششیں کی جا رہی ہیں، سینئر صحافی و تجزیہ کار ڈاکٹر شاہد مسعود کا انکشاف۔ تفصیلات کے مطابق نجی ٹی وی پروگرام میں گفتگو کرتے ہوئےسینئر صحافی و تجزیہ کار ڈاکٹر شاہد مسعود نے انکشاف کرتے ہوئے بتایا کہ ن لیگ پوری کوشش کر رہی ہے پاکستان تحریک انصاف کو کالعدم اور عمران خان کو 5یا 10سال کیلئے نا اہل قرار دلوا کر گرفتار کروا دیا جائے۔

سپریم کورٹ کے باہر کھڑے ہو کر ن لیگی رہنما دانیال عزیز نے عمران خان کو اشتہاری قراردیتے ہوئے سپریم کورٹ سے مطالبہ کرتے ہوئے کہا ہے کہ وہ ’’اشتہاری کو گرفتار کرے‘‘۔ ڈاکٹر شاہد مسعود کا کہنا تھا کہ ن لیگی رہنما کا کہنا تھا کہ اشتہاری قرار دلوائے جانے کے بعد بنی گالہ میں ان کی رہائش گاہ کے باہر ان کی اشتہاری کی تصاویر لگا دی ہیں ۔ڈاکٹر شاہد مسعود کا کہنا تھا کہ یہ ایک انتہائی تشویشناک صورتحال ہے جو تصادم کی جانب جا رہی ہے۔