اسلام آباد (مانیٹرنگ ڈیسک)گجرات سے پیپلزپارٹی کے اہم رہنما نوابزادہ غضنفر گل نے پارٹی کو خیر آباد کہہ دیا، اپوزیشن لیڈر خورشید شاہ سے ملاقات میں فیصلے سے آگاہ کر دیا۔تفصیلات کے مطابق پاکستان تحریک انصـاف نے پیپلزپارٹی کی عام انتخابات سے قبل ایک اور وکٹ گرا دی ۔ گجرات سے پیپلزپارٹی کے اہم رہنما نوابزادہ غضنفر گل نے خورشید شاہ سے ملاقات کر کے
پارٹی چھوڑنے کے فیصلے سے آگاہ کیا۔ ملاقات میں نوابزادہ غضنفر گل نے اپوزیشن لیڈر کو بتایا کہ 30سال سے پارٹی کیلئے خدمات سر انجام دیتا رہا اب اپنے آپ کو پارٹی میں اجنبی محسوس کررہا ہوں لہٰذا پارٹی رکنیت سے مستعفی ہو رہا ہے۔ واضح رہے کہ نوابزادہ غضنفر گل گجرات کے حلقہ سے پیپلزپارٹی کے ٹکٹ پر رکن قومی اسمبلی بھی منتخب ہو چکے ہیں۔
