لاہور (آن لائن) پنجاب بھر کے تمام تعلیمی اداروں میں موسم گرما کی تعطیلات جمعرات سے شروع ہوں گی جبکہ بدھ کولاسٹ ورکنگ ڈے ہو گا۔ محکمہ تعلیم پنجاب کے جاری کردہ نوٹیفکیشن کے مطابق پنجاب بھر کے تمام سرکاری، نیم سرکاری اور پرائیویٹ تعلیمی اداروں میں موسم گرما کی تعطیلات 25 مئی جمعرات
سے شروع ہو کر 14 اگست تک جاری رہیں گی اور 15 اگست منگل سے دوبارہ تدریسی سرگرمیوں کا آغاز ہو جائے گا۔ 24 مئی بروز بدھ تمام تعلیمی اداروں میں لاسٹ ورکنگ ڈے ہو گا اور 25 مئی سے چھٹیوں کا آغاز ہو جائے گا۔ تمام پرائیویٹ، نجی اور نیم سرکاری تعلیمی ادارے عملدرآمد کے پابند ہوں گے۔
