راولپنڈی (آئی این پی) عوامی مسلم لیگ کے سربراہ شیخ رشید احمد نے حلقہ این اے 56 سے الیکشن لڑنے کا اعلان کرتے ہوئے کہا ہے کہ ملک میں دو لیڈر ہیں ایک عمران خان اور دوسرا شیخ رشید‘ عمران خان کے ساتھ مل کر الیکشن میں حصہ لوں گا‘ 120دن اہم ہیں ‘ جے آئی ٹی سے (ن) لیگ کا جنازہ نکلے گا‘ سجن جندال ایسے پاکستان آئے جیسے ان کی خالہ کا گھر ہو۔ اتوار کو ایک تقریب سے خطاب کرتے ہوئے

شیخ رشید نے کہا کہ عمران خان کے ساتھ مل کر الیکشن میں حصہ لوں گا۔ فلیٹ قطری کے نہ کسی اور کے صرف نواز شریف کے ہیں۔ سجن جندال ایسے پاکستان آئے جیسے ان کی خالہ کا گھر ہو۔ انہوں نے کہا کہ 120 دن اہم ہیں۔ جے آئی ٹی سے (ن) لیگ کا جنازہ نکلے گا۔ حنیف عباسی پر دو ٹن ہیروئن کا کیس ہے۔ پاک فوج کو بدنام کرنے کی سازش کی گئی۔ انہوں نے کہا کہ ملک میں دو لیڈر ہیں ایک عمران خان دوسرا شیخ رشید۔