اسلام آباد(مانیٹرنگ ڈیسک) بھارتی اسٹیل ٹائیکون جندال کی پاکستان آمد اور وزیر اعظم نواز شریف سے مری میں ملاقات نے ملک میں سیاسی درجہ حرارت میں اضافہ کر دیا اور وزیراعظم نواز شریف اس وقت سیاسی اور عوامی حلقوں کی جانب سے کی جانے والی شدید تنقید کے تیروں کی زد میں ہیں۔ گزشتہ شب نجی ٹی وی پروگرام میں گفتگو کرتے ہوئے پیپلزپارٹی رہنما سردار نبیل گبول نے جندال نواز ملاقات پر وزیر مملکت برائے کیڈ اور اسلام آباد سے منتخب ممبر قومی اسمبلی
طارق فضل چوہدری کو آڑے ہاتھوں لیتے ہوئے کہا کہ جندال نواز ملاقات کو خفیہ کیوں رکھا گیا۔ اس موقع پر پیپلزپارٹی رہنما کا کہنا تھا کہ کیا جندال ایشوریا کو ساتھ لایا تھا اور اسے مری گھمانے لے گیا تھا اور اس کا دورہ پاکستان نجی نوعیت کا تھا؟انہوں نے کہا کہ حکومت نے جندال کی پاکستان آمد کو پوشیدہ رکھنے کی کوشش کی اور دفتر خارجہ کو بھی اس حوالے سے بے خبر رکھا گیا۔سردار نبیل گبول نے حکومت سے مطالبہ کیا کہ وہ جندال کے دورہ پاکستان کے حوالے سے وضاحت کرے۔
