اسلام آباد (مانیٹرنگ ڈ یسک ) تازہ ترین میڈیا رپورٹس کے مطابق پاکستان کے معروف عالم دین اور سکالر اورپاکستان عوامی تحریک کے سربراہ ڈاکٹر طاہر القادری کی طبیعت بے حد ناساز ہونے کے بعد انہیں ہنگامی طور پر ہسپتال میں منتقل کر دیا گیا ہے ۔ تفصیلات کے مطابق ڈاکٹر طاہر القادری کی طبیعت اچانک بے حد بگڑ گئی جس کے بعد انہیں فوری طور پر ہسپتال منتقل کر دیا گیا ۔ ڈاکٹر صاحب کے ترجمان نور اللہ صدیقی کے
مطابق کینیڈین شہر ٹورنٹو میں مقیم ڈاکٹر طاہر القادری کو دو روز قبل چیسٹ انفیکشن ہوئی ،طبیعت خراب ہونے پران کا گھر پر علاج کیا جا رہا تھا۔طبیعت مزید ناساز ہونے پر انہیں ایک نجی ہسپتال لے جایا گیا جہاں ان کے طبی معائنے کے بعد ان کے ٹیسٹ کیے جا رہے ہیں،عوامی تحریک کے رہنماوں نے ان کی جلد صحت یابی کیلئے عوام الناس سے دعا کی اپیل کی ہے۔
