کوئٹہ(آن لائن)صوبائی دارالحکومت کوئٹہ میں پولیس اور فرنٹیئرکور کے عملے نے تخریب کاری کا منصوبہ ناکام بناتے ہوئے ارباب کرم خان روڈ پر پولیس اورفرنٹیئر کور کی خالی چیک پوسٹ میںبالٹی میں نصب تین کلو گرام وزنی ریمورٹ کنٹر ول بم ناکارہ بناکرقبضے میں لے لیا تفصیلات کے مطابق گزشتہ روز پولیس کو اطلاع ملی کہ
تھانہ بروری کے علاقے پودکلی چوک کے قریب ارباب کرم خان روڈ پر فرنٹیئر کور اورپولیس کی خالی چیک پوسٹ میںایک بالٹی میں مشکوک چیز پڑی ہوئی ہے جس کی اطلاع پولیس اہلکار محمد طارق نے پولیس کنٹرول کو دی اورپولیس نے موقع پر پہنچ کر علاقے کو گھیرے میں لے لیا اور فرنٹیئرکور بم ڈسپوزل ٹیم کو طلب کرلیا اور نامعلوم تخریب کاروں کی جانب سے دہشتگردی کیلئے بالٹی میں نصب تین کلو گرام وزنی ریمورٹ کنٹرول بم کو ناکارہ بناکر تخریب کاری کا منصوبہ ناکام بنادیا پولیس نے نامعلوم ملزمان کے خلاف مقدمہ درج کرکے کارروائی شروع کردی پولیس ذرائع کے مطابق بم کے ساتھ بیٹری پرتحریرہے کہ بروری پولیس کیلئے تحفہ درج تھاریجنل پولیس آفیسر بلوچستان وڈپٹی انسپکٹر جنرل پولیس عبدالرزاق چیمہ نے چیکنگ کے دوران بروقت پولیس کنٹرول کو بم کی اطلاع دی جس پر پولیس نے اور بم ڈسپوزل اسکواڈ نے بم کوناکارہ بناکر تخریب کاری کا منصوبہ ناکام بنادیا،ڈی آئی جی کوئٹہ نے مذکورہ اہلکار کو 5ہزار روپے نقد انعام اور تعریفی سرٹیفکیٹ دینے کا اعلان کیا انہوں نے بتایا کہ مذکورہ بم سے فرنٹیئرکور اور پولیس کو نشانہ بنایا جانا تھا ۔
