راولاکوٹ (آئی این پی) شہید کشمیر محمد مقبول بٹ کے یوم شہادت پر آزاد کشمیر میں سرکاری تعطیل کا فیصلہ ذرائع نے بتایا ہے کہ وزیر اعظم آزادکشمیر راجہ فاروق حیدر نے اصولی طور پر گیارہ فروری کو منقسم ریاست جموں کشمیر کے اتحاد کی علامت اور جدید تحریک آزادی کے بانی محمد مقبول بٹ شہید کے یوم شہادت پر گیارہ فروری کو آزادکشمیر میں عام تعطیل کا فیصلہ کیا ہے
ماضی میں مقبول بٹ کے یوم شہادت پر راجہ ممتاز حسین راٹھور نے اپنے دور وزارت عظمی میں پہلی مرتبہ سرکاری تعطیل کی تھی جو بعد ازاں مسلم کانفرنس کی حکومت نے ختم کر دی تھی راجہ فاروق حیدر نے اپنے ننھیال بھارتی مقبوضہ کشمیر جانے سفری دستاویزات حاصل کر رکھی ہیں اگر انھیں اجازت مل گئی تو وہ سری نگر میں مقبول بٹ کے یومِ شہادت پر خطاب کریں گے بصورت دیگرمظفرآباد میں تقریب سے خطاب کریں گے ۔
