اسلام آباد(آن لائن)طیارہ حادثہ !دوست ملک سے کون لاش لینے اسلام آباد پہنچ گیا ؟پی آئی اے کے بد قسمت طیارے میں سوار چینی شہری کے اہل خانہ لاش حاصل کرنے کے لیے اسلام آباد پہنچ گئے ۔میڈ یا رپورٹس کے مطابق دو روز قبل حادثے کا شکار ہونے والے طیارے میں چینی شہری بھی سوار تھا جس کے اہل خانہ اسلام آباد لاش حاصل کرنے کے لیے پہنچ گئے ہیں ۔اس موقع پر جاں بحق ہونے والے چینی شہری کے بھائی نے ڈی این اے کی پہچان کے لیے اپنے خون کے نمونے بھی دے دئیے ۔
جبکہ دوسری جانب حویلیاں میں پی آئی اے طیارہ حادثے کی ابتدائی رپورٹ نمبر درج کرلی گئی۔ابتدائی رپورٹ ایس ایچ او تھانہ حویلیاں پرویز خان کی جانب سے درج کی گئی، جس کا نمبر 45 ہے۔پولیس حکام کے مطابق کسی نے ابھی تک وقوع کا مقدمہ درج کرنے کی درخواست نہیں دی، لہذا تاحال باقاعدہ مقدمہ درج نہیں کیا گیا۔
پولیس کاکہنا تھا کہ مقدمے کے اندراج کے لیے لیگل برانچ سے قانونی رائے حاصل کی جارہی ہے۔خیال رہے کہ بدھ 7 دسمبر کو پی آئی اے کا چترال سے اسلام آباد آنے والا مسافر طیارہ حویلیاں کے قریب گر کر تباہ ہونے سے جہاز کے عملے سمیت 48 افراد جاں بحق ہوگئے تھے۔

موضوعات:چین طیارہ حادثہ