بٹ خیلہ(آئی این پی)چترال سے اسلام آباد جانے والے طیارہ میں ملاکنڈ خاص سے تعلق رکھنے والا ایرگیشن ملازم گوہر علی ولد مجید اللہ خان بھی شامل ہے جن کی نعش کی شناخت تاحال نہ ہوسکی۔ان کے رشتہ د اروں کے مطابق تقریباً 45 سال عمر کے گوہر علی کی تین مہینے پہلے ایرگیشن ملاکنڈ سے بحیثیت ڈویڑنل اکاؤنٹنٹ پروموشن ہوکر ان کا تبادلہ چترال کردیا گیاگوہر علی کی حادثہ میں جان بحق ہونے کی اطلا ع ملتے ہی علاقہ میں کہرام مچ گیا مرحوم کے ورثاء اب تک ایبٹ اباد میں ڈی این اے ٹسٹ کی انتظار میں موجود ہے مرحوم کے سوگواروں میں تین بیٹے، دو بیٹیاں اور ایک بیوہ رہ گئی۔