لاہور(آئی این پی) تحریک انصاف کے چیئرمین عمران خان تین روزہ دورہ مکمل کرکے برطانیہ سے وطن واپس جبکہ لاہورائیرپورٹ عملے سمیت شہریوں نے عمران خان کے ساتھ سیلفیاں بنوائیں۔تفصیلات کے مطابق عمران خان قومی ائیرلائن کی پرواز پی کے758 کے ذریعے لندن سے لاہور کے علامہ اقبال انٹرنیشنل ایئرپورٹ پہنچے۔
ائیرپورٹ پر عمران خان کے استقبال کے لیے کوئی بھی پارٹی رہنما موجود نہیں تھا۔ عمران خان کو سخت سیکیورٹی میں باہر لایا گیا۔ پی ٹی آئی چیئرمین عمران خان تین روز قبل لندن روانہ ہوئے تھے۔ جہاں پر انہوں نے اپنے قریبی دوست کی بہن کی شادی میں شرکت کی ذرائع کے مطابق عمران خان نے لندن میں مقیم اپنے بچوں سے ملاقات کی اور پانامہ کیس کے حوالے سے اہم ثبوت بھی اکٹھے کیے۔
