کراچی (ڈیلی آزادنیو زڈیسک) وزیر اعلی سندھ مراد علی شاہ نے کابینہ اجلاس میں صوبے کے تمام تعلیمی بورڈز کے سربراہان کو عہدوں سے فارغ کردیاہے۔تفصیلات کے مطابق وزیراعلی سندھ نے صوبائی کابینہ کے اجلاس میں سخت فیصلہ کرتے ہوئے حیدرآباد بورڈ کے علاوہ صوبے کے تمام بورڈز کے سربراہوں کو ان عہدوں سے ہٹا کر نئے چیئرمین بورڈز تعینات کردیئے ہیں۔انٹر بورڈ کے چئیرمین اختر غوری کو اینٹی کرپشن کی جانب سے تفتیش میں شامل ہونے کے باعث ان کے عہدے سے فوری طور پر ہٹا کر ان کی جگہ پروفیسر انعام احمد کو تعینات کردیا گیا ہے۔ جبکہ ڈاکٹر سعید الدین سیکنڈری بورڈ کراچی تعینات کئے گئے ہیں۔ سیکنڈری بورڈ سکھر کے چیئرمین سید غلام علی مجتبی ہوں گے اور لاڑکانہ کے نئے چیئرمین سیکنڈری بورڈ ڈاکٹر احمد علی بروہی ہوں گے۔

موضوعات:مراد علی شاہ