اسلام آباد(مانیٹرنگ ڈیسک)ضمنی انتخابا ت میں پاکستان تحریک انصاف نے سب سے زیادہ ووٹ لئے ہیں جبکہ حیرت انگیز طور پرزیادہ نشستیں ن لیگ کے  حصے میں آئیں۔

الیکشن کمیشن کی جانب سے جاری کردہ اعداد و شمار کے مطابق قومی اسمبلی کے 32 حلقوں میں ہونے ضمنی انتخابات میں سب سے زیادہ 18 نشستیں مسلم لیگ ن کے حصے میں آئیں جبکہ سب سے زیادہ ووٹ تحریک انصاف کو حاصل ہوئے۔

ضمنی انتخابات میں اگر صوبوں کے حوالے سے بات کی جائے تو ن لیگ کو پنجاب میں، پی ٹی آئی کو خیبر پختونخوا اور پیپلز پارٹی کو سندھ میں مقابل جماعتوں مقابلے میں زیادہ ووٹ ملہے۔

32 میں 27 حلقوں میں پی ٹی آئی نے اپنے امیدوار کھڑے کئے جنہوں نے مجموعی طور پر 13 لاکھ 97 ہزار 986 ووٹ حاصل کئے مگر صرف 7 نشستیں جیت سکی جبکہ اس کے مقابلے میں مسلم لیگ ن نے 21 حلقوں میں اپنے امیدوار کھڑے کئے اور ان میں سے 16 حلقوں  میں کامیابی کے ساتھ ساتھ 4 لاکھ پچپن ہزار 175 مجموعی ووٹ بھی حاصل کئے ۔

تیسرے نمبر پر سب سے زیادہ نشستیں اور دوسرے نمبر پر سب سے زیادہ ووٹ لینے والی جماعت پیپلز پارٹی ہے جس نے مجموعی طور پر 4 لاکھ 55 ہزار ایک 175 ووٹ حاصل کر کے قومی اسمبلی کے 4 حلقوں پر کامیابی حاصل کی۔ ایم کیو ایم کو تین نشستوں پر کامیابی کے ساتھ ایک لاکھ 88 ہزار 285 ووٹ حاصل ہوئے ۔ عوامی نیشنل پارٹی نے ایک نشست پر کامیابی حاصل کی اور 61 ہزار 995 ووٹ حاصل کئے ۔ جبکہ پختونخوا ملی عوامی پارٹی نے 19 ہزار 548 ووٹ حاصل کئے ۔ جمعیت علمائے اسلام (ف) نے چار حلقوں میں الیکشن لڑ کر ایک لاکھ 55 ہزار 317 ووٹ حاصل کئے مگر کوئی بھی نشست حاصل کرنے میں ناکام رہی۔

نتائج کے مطابق پاکستان تحریک انصاف سے ہونے والے 18 مقابلوں میں سے 17 حلقوں میں زبردست مقابلے ہوئے جن میں ن لیگ نے پنجاب سے 11 لاکھ 7 ہزار ووٹ لے کر 14 نشستیں اپنے نام کیں۔ اور تحریک انصاف نے 9 لاکھ  99 ہزار ووٹ لے کر قومی اسمبلی کی  صرف تین نشستیں پنجاب سے حاصل کر سکی۔

کے پی میں چھ حلقوں میں الیکشن لڑ کر چار میں کامیابی پی ٹی آئی نے حاصل کی۔ انفرادی طور پر جہانگری ترین نے 1 لاکھ 38 ہزار 573 ووٹ لے کر سب سے زیادہ ووٹ حاصل کرنے کا اعزاز حاصل کیا جبکہ مسلم لیگ ن کے بابر نواز نے ہری پور سے ایک لاکھ 37 ہزار 227 ووٹ لے کر اس فہرست میں دوسری پوزیشن حاصل کی۔

موضوعات:ضمنی انتخابات