اسلام آباد (ما نیٹرنگ ڈیسک )اسلام آباد کے علاقے سیکٹر ایف ٹین تھری میں دو گروپوں کے درمیان فائرنگ کے نتیجے میں ایک شخص جاں بحق جبکہ تین زخمی ہوگئے ہیں، جاں بحق شخص سابق چیئرمین سینیٹ میاں محمد سومرو کا بھانجا بتایا جاتا ہے۔ اسلام آباد کے مصروف ترین سیکٹر ایف ٹین تھری میں دو پراپرٹی ڈیلر گروپوں کے درمیان فائرنگ کا تبادلہ ہوا جس کے نتیجے میں ایک شخص جاں بحق جبکہ تین زخمی ہوگئے ، جاں بحق شخص کی شناخت ملک فہد کے نام سے ہوئی جو کہ سابق چئیرمین سینیٹ کا بھانجا بتایا جاتا ہے زخمیوں کو طبی امداد کے لئے پمز اسپتال منتقل کیا گیا جہاں انہیں طبی امداد دی گئی۔ فائرنگ سے جاں بحق ملک فہد کی ابتدائی پوسٹمارٹم تیار ہوگئی ، رپورٹ کے مطابق مقتول کے سراورکمرمیں گولیاں ماری گئیں ، سر میں لگنے والی گولیاں جان لیوا ثابت ہوئی۔ پولیس کا کہنا ہے کہ جھگڑے کی وجہ اب تک معلوم نہیں کی جاسکی۔