جمعرات‬‮ ، 30 اپریل‬‮ 2026 

عمران خان فیڈر تو نہیں پیتے ! رانا ثناء اللہ نے حدیں پار کرلیں

datetime 17  مئی‬‮  2016 |

لاہور ( این این آئی) صوبائی وزیر قانون و پارلیمانی امور رانا ثناء اللہ نے کہا ہے کہ متحدہ اپوزیشن سے زیادہ اس دنیا میں کوئی احمق نہیں سات سوالوں کے جواب تو ملے نہیں ستر سوال تیار کر لیے ہیں، متحدہ اپوزیشن چاروں خانے چت ہونے کے بعد بھاگ کھڑی ہوئی ان کا ہر ایجنڈا ناکام ہوگا،عمران خان فیڈر تو نہیں پیتے جو خورشید شاہ کی وجہ سے تقریر نہیں کر سکے،عمران خان نے حرام کمائی سے بنائی گئی کمپنی کے گوشوارے ظاہر نہیں کیے جبکہ انکے اور بھی کارنامے ہیں جو جلد عوام کے سامنے لائیں گے، سی پیک کو ناکام بنانے کے لیے ہمسایہ ملک نے بڑا پیسہ لگایا ہے ،لگتا ہے کہ اعتزاز احسن کو انہی سے بھاری فیس ملی ہے۔ ان خیالات کا اظہار انہوں نے گزشتہ روز پنجاب اسمبلی کے احاطہ میں میڈیا سے گفتگو کرتے ہوئے کیا ۔ رانا ثناء اللہ نے کہا کہ متحدہ اپوزیشن قومی اسمبلی میں اپنے عزائم میں مکمل طور پر ناکام ہوئی اور بھاگنے میں ہی عافیت سمجھی۔ اپوزیشن رہنماؤں نے ایوان میں اپنا موقف اس لیے پیش نہیں کیا کیونکہ ایوان میں بولا جانے والا جھوٹ پکڑا جاسکتا ہے ۔یہ بات ایاں ہو چکی کہ اپوزیشن لوڈشیڈنگ کا خاتمہ نہیں چاہتی ۔ ایک سوال کے جواب میں ان کا کہنا تھا کہ عمران خان فیڈر تو نہیں پیتے کہ خورشید شاہ کی وجہ سے تقریر نہیں کر سکے ۔کیا عمران خان بچہ ہے جس کے منہ میں خورشید شاہ نے چوسنی دی جو وہ بات نہیں کر سکا ۔ عمران خان کی سیاست ملک میں انتشار پھیلانا ہے ۔ انہوں نے کہا کہ عمران خان کہتے رہے کہ آف شور کمپنی بنانا چوری ہے اور حرام کے پیسے سے بنتی ہے اب ان کی اپنی کمپنی نکل آئی ہے اس لحاظ سے وہ سب سے پرانے چور ہیں۔عمران خان نے حرام کمائی سے بنائی گئی کمپنی کے گوشوارے ظاہر نہیں کیے جبکہ انکے اور بھی کارنامے ہیں جو جلد عوام کے سامنے لائیں گے جبکہ پاکستان آگے بڑھے گا اور اپوزیشن کا ہر ایجنڈا ناکام ہوگا۔ایک اور سوال کے جواب میں ان کا کہنا تھا کہ اپوزیشن ساری رات سوئی نہیں ،صبح اٹھے تو ستر سوال تیار تھے ،اعتزاز احسن نے ساری زندگی پیسے لے کر سوالنامے بنائے ہیں ۔ اب سی پیک کو ناکام بنانے کے لیے ہمسایہ ملک نے بڑا پیسہ لگایا ہے اور لگتا ہے کہ اعتزاز احسن کو انہی سے بھاری فیس ملی ہے۔ رانا ثنااللہ کا کہنا تھا کہ اگر مسلم لیگ (ن)میں فاروڈ بلاک بن رہا ہے تو شیخ رشید عدم اعتماد کی تحریک لے آئیں ان کی اس قسم کی افوا سازی اور سازشیں نہیں چل سکیں گئیں ۔ایک سوال کے جواب میں انہوں نے کہا کہ اپوزیشن قوم کا وقت برباد کررہی ہے کل 70سوالات کی بات ہوئی اور آج تیار بھی کرلیے۔جبکہ سات سوالوں کا جواب نہیں ملا تو ستر کیوں لائے جارہے ہیں۔

آج کی سب سے زیادہ پڑھی جانے والی خبریں


کالم



آپریشن بنیان المرصوص


میری درخواست ہے آپ تھوڑی دیر کے لیے اپریل 2025ء…

مذاکرات کی اندرونی کہانی

پاکستان میں ایران کے سفیر رضا امیری مقدم ہیں‘…

گریٹ گیم (آخری حصہ)

میں اس سوال کی طرف آئوں گا لیکن اس سے قبل ایک حقیقت…

گریٹ گیم(چوتھا حصہ)

لیویونگ زنگ اور اس کا بھائی لیویونگ ہو چین کی…

گریٹ گیم(تیسرا حصہ)

ہم بائبل پڑھیں‘ قرآن مجید اور احادیث کا مطالعہ…

گریٹ گیم(دوسرا حصہ)

حضرت آدم علیہ السلام اورحضرت حواء علیہ السلام…

گریٹ گیم

یہ گیم ہابیل اور قابیل کی لڑائی سے شروع ہوئی تھی‘…

ایران کی سب سے بڑی کام یابی

وہ آرٹسٹ تھی اور اس کا نام مرینا ابراموویک (Marina…

لفظ اضافی ہوتے ہیں

نیویارک کے اطالوی ریستوران میں نوجوان لڑکی نے…

ایرانی لوگ کیسے ہیں(آخری حصہ)

ایران کا دوسرا کمال سیاحت ہے‘ میں 120 ملک گھوم…

ایرانی لوگ کیسے ہیں(پہلا حصہ)

جون 2025ء تک ایران میں پاکستان کا تاثر اچھا نہیں…