بیجنگ(این این آئی)پاکستان اورچین کے درمیان 20دن تک جاری رہنے والی فضائی مشقوں کا آغاز ہوگیا، شاہین پانچ کہلانے والی یہ مشقیں تیس اپریل تک جاری رہیں گی ،مشقوں کا مقصد دونوں ممالک کے مابین آپریشنل تعلقات کو فروغ دینا ہے،اس موقع پر پاکستان ایئر فورس کے ایک اعلی عہدیدار محمد اشفاق آرائیں نے بتایا ہے کہ پاکستان میں فضائیہ کا مکمل بوجھ امریکی ایف سولہ طیاروں کے بیڑے پر ہے، پاکستان اس وقت اضافی طیارے تو نہیں خرید سکتا تاہم چین کے ساتھ جے ایف سترہ جنگی طیاروں کی تیاری کا منصوبہ رکھتا ہے،غیرملکی خبررساں ادارے کے مطابق گزشتہ روز جاری کیے گئے چینی وزارت دفاع کے ایک بیان میں کہاگیا کہ اس کی فضائیہ نے پاکستانی ایئر فورس کے ساتھ مشترکہ جنگی مشقیں شروع کر دی ہیں۔ شاہین پانچ کہلانے والی یہ مشقیں تیس اپریل تک جاری رہیں گی اور ان کا مقصد دونوں ممالک کے مابین آپریشنل تعلقات کو فروغ دینا ہے تاہم بیان میں یہ نہیں بتایاگیا کہ یہ مشقیں کہاں ہو رہی ہیں۔پاکستان ایئر فورس کے ایک اعلی عہدیدار محمد اشفاق آرائیں نے بتایا کہ پاکستان میں فضائیہ کا مکمل بوجھ امریکی ایف سولہ طیاروں کے بیڑے پر ہے۔ ان کے بقول پاکستان اس وقت اضافی طیارے تو نہیں خرید سکتا تاہم چین کے ساتھ جے ایف سترہ جنگی طیاروں کی تیاری کا منصوبہ رکھتا ہے۔