لاہور/فیصل آباد/ملتان/سیالکوٹ/راجن پور (نیوز ڈیسک) سانحہ گلشن اقبال پارک کے بعد پنجاب پولیس اور دیگر قانون نافذ کرنے والے اداروں نے جرائم پیشہ افراد کے خلاف اپنی کاروائیاں تیز کر دیں،مختلف علاقوں میں سرچ آپریشن کے دوران 80سے زائد افراد کو حراست میں لے لیا ۔حراست میں لیے گئے افراد میں کالعدم تنظیم کے کارکنان بھی شامل ہیں۔فیصل آباد میں پولیس نے تھانہ جھنگ بازار کے قریب آپریشن کے دوران 70افراد کو حراست میں لے لیا۔ گرفتار افراد میں چار افغان باشندے بھی شامل ہیں۔ملتان میں سی ٹی ڈی اور حساس اداروں کی کوٹلی نجابت اور راجہ رام کے علاقوں میں کارروائی،چھ مشتبہ افراد گرفتار، نامعلو م مقام پر منتقل کردیا۔ملزمان میں سے ایک کا تعلق کالعدم تنظیم سے ہے۔سیالکوٹ میں پولیس اور حساس اداروں کا مختلف علاقوں میں سرچ آپریشن،17مشتبہ افراد زیر حراست،حراست میں لیے گئے افراد میں زیادہ تر افغان باشندے شامل ہیں۔راجن پور میں کاروائی کے دوران چھوٹو گینگ کے سہولت کار گرفتار کر لیے گئے۔