مظفر آباد (نیوز ڈیسک) آزاد کشمیر کے دارالحکومت مظفر آباد میں خوفناک واقعہ،متعددجاںبحق،دیکھنے والوں کے ہوش اُڑ گئے- آزاد کشمیر کے دارالحکومت مظفر آباد میں لینڈ سلائڈنگ کی وجہ سے 4 کلومیٹر زمین سرک گئی ٗ 80 سے زائد مکانات تباہ ہوگئے ہیں۔ کوہستان میں بھی لینڈسلائڈنگ سے 14 افراد جاں بحق ،13 زخمی اور 24 لاپتہ ہوگئے ہیں۔تفصیلات کے مطابق مظفر آبادکے علاقے ڈنہ میں منگل کی صبح لینڈ سلائڈنگ کی وجہ سے پہاڑی تودہ آبادی پر آگرا جس کی وجہ سے 80 سے زائد مکانات مکمل طور پر تباہ ہوگئے ٗ سینکڑوں درخت جڑوں سے اکھڑ گئے۔ لینڈ سلائڈنگ کی وجہ سے 4 کلومیٹر زمین بھی سرک گئی ٗ مظفر آباد میں لینڈ سلائڈنگ کی وجہ سے انسانی جانوں کے ضیاع کے حوالے سے واضح اطلاعات فراہم نہیں ہوسکی۔علاوہ ازیں کوہستان میں شدید بارشوں کی وجہ سے پہاڑ کی چوٹی کا بڑا حصہ نرم ہوکر ٹوٹ کر آبادی پر گرگیا جس کی وجہ سے 7 مکانات مکمل طور پر تباہ ہوگئے ٗچوٹی گرنے کی وجہ سے مکانوں میں موجود 14 افراد جاں بحق ہوگئے ٗ 13 افراد زخمی اور 24 تاحال لاپتہ ہیں۔ کمشنر ہزارہ ڈویژن نے بتایا کہ امدادی کاموں کیلئے صوبائی حکومت سے ہیلی کاپٹر طلب کرلیا گیا تاہم موسم کی خرابی کی وجہ سے امدادی کاموں میں شدید مشکلات کا سامنا کرنا پڑ ا۔