پشاور(نیوزڈیسک)خیبر پختونخوا حکومت نے ملاکنڈ ڈویژن میں نافذ کردہ کسٹم ایکٹ واپس لینے کا فیصلہ کرلیا، کسٹم ایکٹ واپس کرنے کی سمری صدر مملکت کو بھیجی جائے گی ۔ترجمان خیبر پختونخوا حکومت مشتاق غنی کے مطابق کسٹم ایکٹ نافذ کرنے کا فیصلہ ایک سال قبل اپیکس کمیٹی کے اجلاس میں کیا گیا تھا ، مشتاق غنی کا کہنا تھاکہ ملاکنڈ ڈویڑن میں کسٹم ایکٹ کے نفاذ میں صوبائی حکومت کا کوئی عمل دخل نہیں ،ان کا کہنا تھا کہ دہشت گردی اور قدرتی آفات سے متاثرہ ملاکنڈ ڈویڑن کے عوام پر کوئی اضافی ٹیکس نافذ نہیں کرینگے ، سیاسی جماعتیں کسٹم ایکٹ پر سیاست چمکانے سے گریز کریں ۔